Tarantelluccia.it

Uocchie c’arraggiunate

Categoria: Testi canzoni napoletane
Data inserimento: 2 marzo, 2013
Autore: Lo Guarracino

(Alfredo Falcone Fieni 1904)

St’uocchie ca tiene belle,
lucente ccchiù de stelle,
sò’ nire cchiù do nniro
só’ comm’a duje suspire…

Ogne suspiro coce,
ma tene ‘o ffuoco doce…
e, comme trase ‘mpietto,
nun mme dá cchiù arricietto.

E chi ve pò scurdá,
uocchie c’arraggiunate
senza parlá?
Senza parlá?
A me guardate sí…
e státeve nu poco,
comme dich’i’…
comme dich’i’…
comme vogl’i’!…

Sò nire: cchiù sblennente
‘e ll’ebano lucente!
Comm’a na seta fina
só’ ll’uocchie ‘e Cuncettina.

Sempe ca ‘e ttèngo mente,
nce trovo sentimente…
pecché nce sta nu vezzo,
ca i’ guardo e ll’accarezzo.

E chi ve pò scurdá,
uocchie c’arraggiunate
senza parlá?
Senza parlá?
A me guardate sí…
e státeve nu poco,
comme dich’i’…
comme dich’i’…
comme vogl’i’!…

Sciure e frónne addirose,
nun cerco tanta cose…
Né ‘a cchiù bella guagliona,
si è ricca, mm’appassiona…

Ma tutta simpatia,
ma tutta vita mia,
mme giova o mm’arruvina,
só’ ll’uocchie ‘e Cuncettina!

E chi ve pò scurdá,
uocchie c’arraggiunate
senza parlá?
Senza parlá?
A me guardate sí…
e státeve nu poco,
comme dich’i’…
comme dich’i’…
comme vogl’i’!…

Traduzione per i non napoletani

  • ccchiù = più
  • duje = due
  • arricietto = pace, tranquillità
  • uocchie c’arraggiunate = occhi che ragionate (parlate)
  • scurdá = dimenticare
  • ttèngo mente = tengo a mente
  • sciure = fiori
  • ‘frónne = foglie
  • ‘addirose = odorose

Argomenti trattati

Mimmo GuarinoCiao! Mi chiamo Mimmo Guarino alias “Lo Guarracino” e sono il creatore di questo blog. Mi sono innamorato della canzone napoletana grazie alla voce del grande Roberto Murolo, a mio avviso il più grande interprete di questa nobile forma d’arte.

9 Responses to “Uocchie c’arraggiunate”

  1. Sergio falcone scrive:

    Il cognome esatto era Falcone Fieni, con la E finale al posto della I. Sono un nipote diretto dall’autore del testo. Sergio Falcone

Lascia un commento

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>