Tarantelluccia.it

Tu ca nun chiagne

Categoria: Testi canzoni napoletane
Data inserimento: 21 agosto, 2012
Autore: Lo Guarracino

(Libero Bovio 1915)

Libero Bovio, autore del testo di Tu ca nun chiagne

Comm’è bella ‘a muntagna stanotte…
bella accussí, nun ll’aggio vista maje!
N’ánema pare, rassignata e stanca,
sott”a cuperta ‘e chesta luna janca…

Tu ca nun chiagne e chiágnere mme faje,
tu, stanotte, addó staje?
Voglio a te!
Voglio a te!
Chist’uocchie te vonno,
n’ata vota, vedé!

Comm’è calma ‘a muntagna stanotte…
cchiù calma ‘e mo, nun ll’aggio vista maje!
E tutto dorme, tutto dorme o more,
e i’ sulo veglio, pecché veglia Ammore…

Tu ca nun chiagne e chiágnere mme faje,
tu, stanotte, addó staje?
Voglio a te!
Voglio a te!
Chist’uocchie te vonno,
n’ata vota, vedé!…

Per i non napoletani

  • accussí = così
  • nun ll’aggio = non l’ho
  • maje = mai
  • janca = bianca
  • chiagne = piangi
  • addó staje ? = dove sei ?

Argomenti trattati ,