Tarantelluccia.it

Tarantella luciana

Categoria: Testi canzoni napoletane
Data inserimento: 5 luglio, 2013
Autore: Lo Guarracino

(Libero Bovio 1913)

Libero Bovio, autore del testo di Tarantella luciana

Ma chest’ evera ‘e mare
comm’addora stasera!
Tutto munno mme pare
cchiu’ schietto
e cchiu’ allero,
nun saccio ‘o ppecche’…

Viene ‘a cca’, Luciana…
Tu, che ancora ‘a spadella,
puorte dinte capille,
si’ ‘a femmena bella
ca i’ voglio vede’…

‘Sta tarantella napulitana,
‘nziem’a te Luciana,
ca si’ guappa e si’ bella,

cu li ttammorre,
cu ‘e ccastagnelle,
sott’a ll’uocchie d’e stelle
stu core, ch’abballa,
vulesse abballa’!

Aggio fatto nu pigno,
ma cu gusto e piacere:
si stasera mme ‘ngigno,
mm’aspetta ll’onore
ch’abballe cu me…

Mm’appresento cu’o tubbo,
cu ‘o cazone a campana,
cu ‘o rilorgio e ‘a catena
ma tu, Luciana,
mm’hi ‘a fa’ cumpari’…

‘Sta tarantella napulitana,
‘nziem’a te Luciana,
ca si’ guappa e si’ bella,

cu li ttammorre,
cu ‘e ccastagnelle,
sott’a ll’uocchie d’e stelle
stu core, ch’abballa,
vulesse abballa’!

Nun sentite ‘a campana?!…
Ne!…Menatela ‘a rezza!
E, pa gente luntana,
ca voca e sollazza,
vulite prija’?!…

Ma chi e’ chisto ch’abballa:
“Tarante’…Tarantella?”
Ride, Napule bella,
ca e’ Pulecenella
ca torna, e sta cca’!

‘Sta tarantella napulitana,
‘nziem’a te Luciana,
ca si’ guappa e si’ bella,
cu li ttammorre,

cu ‘e ccastagnelle,
sott’a ll’uocchie d’e stelle
stu core, ch’abballa,
vulesse abballa’!

Per i non napoletani

  • evera = erba
  • addora = odora
  • spadella = spadino per capelli
  • ‘nziem = assieme
  • pigno = pegno
  • ‘ngigno = mettere l’abito nuovo
  • tubbo = elegante cappello di grosse dimensioni
  • rilorgio = orologio
  • cumpari’ = far bella figura
  • rezza = rete
  • prija = pregare

Argomenti trattati ,