Tarantelluccia.it

Serenata napulitana

Categoria: Testi canzoni napoletane
Data inserimento: 16 agosto, 2012
Autore: Lo Guarracino

(Salvatore Di Giacomo 1896)

Salvator Di Giacomo, autore del testo di Serenata napulitana

Dimme, dimme, a chi pienze assettata
sola sola, addereto a sti llastre?
‘Nfacci’ô muro ‘e rimpètto, stampata,
veco n’ombra…e chest’ombra si’ tu!

Fresca è ‘a notte: na luna d’argiento,
saglie ‘ncielo e cchiù ghianca addeventa…
e nu sciato, ogne tanto, d”o viento
‘mmiez’a st’aria se sente passá…

Ah, che notte, ah, che notte!…
Ma pecché nun t’affacce?
ma pecché, ma pecché mme ne cacce,
Catarí’, senza manco parlá?…

Ma ce sta nu destino,
e io ce credo e ce spero…
Catarí’, nun è overo,
tu cuntenta nun si’!…

Catarí’, Catarí’, mm’hê lassato…
tutto ‘nzieme st’ammore è fernuto,
tutto ‘nzieme t’hê scívete a n’ato,
mm’hê ‘nchiantato e mm’hê ditto: bonní!

E a chist’ato ca tu mo vuó’ bene,
staje penzanno e, scetata, ll’aspiette…
ma chist’ato, stasera, nun vène…
e maje cchiù, t”o ddich’io, venarrá!…

No, nun vène, nun vène…
Ll’aggio visto p”a strada,
cammená, core a core, cu n’ata…
e, redenno, parlavano ‘e te…

Tu si’ stata traduta…
Tu si’ stata lassata…
Tu si’ stata ‘nchiantata…
pure tu…pure tu!…

Per i non napoletani

  • serenata napulitana = serenata napoletana
  • addereto = dietro
  • llastre = vetri
  • rimpètto = di rimpetto
  • sciato = fiato
  • scívete = scelto
  • ‘nchiantata = lasciata di botto

Argomenti trattati ,

Mimmo GuarinoCiao! Mi chiamo Mimmo Guarino alias “Lo Guarracino” e sono il creatore di questo blog. Mi sono innamorato della canzone napoletana grazie alla voce del grande Roberto Murolo, a mio avviso il più grande interprete di questa nobile forma d’arte.

One Response to “Serenata napulitana”

  1. Livianapulegna scrive:

    Di Giacomo è un fuoriclasse. Ma Costa manco scherza..!

Lascia un commento

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>