Tarantelluccia.it

Scetate

Categoria: Testi canzoni napoletane
Data inserimento: 14 luglio, 2012
Autore: Lo Guarracino

(Ferdinando Russo 1887)

Ferdinando Russo, autore del testo di Scetate

Si duorme o si nun duorme bella mia,
siente pe’ nu mumento chesta voce…
Chi te vò’ bene assaje sta ‘mmiez’â via
pe’ te cantá na canzuncella doce…

Ma staje durmenno, nun te si’ scetata,
sti ffenestelle nun se vonno aprí…
è nu ricamo ‘sta mandulinata…
scetate bella mia, nun cchiù durmí!

‘Ncielo se só’ arrucchiate ciento stelle,
tutte pe’ stá a sentí chesta canzone…
Aggio ‘ntiso ‘e parlá li ttre cchiù belle,
dicevano: Nce tène passione…

E’ passione ca nun passa maje…
passa lu munno, essa nun passarrá!…
Tu, certo, a chesto nun ce penzarraje…
ma tu nasciste pe’ mm’affatturá…

Per i non napoletani

  • scetate = svegliati
  • cchiù = più
  • ‘ncielo = in cielo
  • arrucchiate = raggruppate
  • Aggio ‘ntiso = ho sentito
  • affatturá = stregare

Argomenti trattati ,