Tarantelluccia.it

Palummella zompa e vola

Categoria: Testi canzoni napoletane
Data inserimento: 8 ottobre, 2012
Autore: Lo Guarracino

(Anonimo, ispirata ad un’opera di Niccolò Piccinni 1766)

Niccolo Piccinni, dalla sua opera La Molinarella del 1766 fu elaborata da anonimi la canzone Palummella zompa e vola

Palummella zompa e vola
addó sta nennélla mia…
Non fermarte pe’ la via
vola, zompa a chella llá…

Co’ li scelle, la saluta…
falle festa, falle festa
attuorno attuorno…
e ll’hê ‘a dí
ca, notte e ghiuorno,
io stó’ sempe, io stó’ sempe
a sospirá…

Palummella, vola vola
a la rosa de ‘sto core…
Non ce sta cchiù bello sciore
che t’avesse da piacé…

‘A ll’addore, ca tu siente…
‘a chill’uocchie, ‘a chill’uocchie,
‘a chillo riso…
credarraje,
ca, ‘mparaviso,
tu si’ ghiuta… tu si’ ghiuta…
oje palummé’!

A lu labbro curallino,
palummé’ va’ zompa e vola…
‘ncopp’a chillo te cunzola
e maje cchiù non te partí!…

Ma si vide ca s’addorme…
e te vène, e te vène,
lo tantillo…
tu ll’azzecca
no vasillo…
e pe’ me, e pe’ me,
n’auto porzí!

Per i non napoletani

  • palummella zompa e vola = farfallina salta e vola
  • addó = dove
  • scelle = ali
  • ghiuorno = giorno
  • sciore = fiore
  • addore = odore
  • credarraje = crederai
  • ghiuta = andata
  • ‘ncopp = su, sopra

Argomenti trattati , ,