Tarantelluccia.it

Oilì Oilà

Categoria: Testi canzoni napoletane
Data inserimento: 30 giugno, 2013
Autore: Lo Guarracino

(Salvatore Di Giacomo 1886)

Salvatore Di Giacomo, autore del testo di Oilì Oilà

I

Carmè’, quanno te veco,
Carmè’, quanno te veco,
Carmè’, quanno te veco,
mme sbatte ‘o core…

Dimméllo tu ch’è chesto,
dimméllo tu ch’è chesto,
dimméllo tu ch’è chesto,
si nun è ammore?

Chest’è ammore,
Oilì Oilà !
e dincello a mamma toja
si te vò’ fá mmaretá…

Chest’è ammore,
Oilì Oilà !
e dincello a mamma toja
si te vò’ fá mmaretá…

Carmè’, dincello…
Nu bellu maretiello
è sempe buono…
Si no tu rieste sola,
sola, sola, e llariulá…
‘a veritá, nce vò’ na cumpagnia,
tricche – tricche, e llariulá…
tricche – tricche, e llariulá…

II

Comm’acqua a la funtana,
comm’acqua a la funtana,
comm’acqua a la funtana,
ca nun se secca…

Ll’ammore è na catena,
ll’ammore è na catena,
ll’ammore è na catena,
ca nun se spezza…

Nun se spezza…
Oilì Oilà !
si se spezza…bonasera,
nun se pò cchiù ‘ncatená!

Nun se spezza…
Oilì Oilà !
si se spezza…bonasera,
nun se pò cchiù ‘ncatená!

Carmè’ tu ‘o ssiente?
Nu bellu maretiello è sempe buono…
si no tu rieste sola,
sola, sola, e llariulá…
‘a veritá, nce vò’ na cumpagnia,
tricche – tricche e llariulá!
tricche – tricche e llariulá!

III

Stu core aggio perduto,
stu core aggio perduto,
stu core aggio perduto,
‘mmiez’a na via…

Tu certo ll’hê truvato,
tu certo ll’hê truvato,
tu certo ll’hê truvato,
bellezza mia…

Ll’hê truvato…
oilí – oilá!
ll’hê truvato e ll’annascunne…
ma vengh’io pe’ mm”o pigliá!

Ll’hê truvato…
Oilì Oilà !
ll’hê truvato e ll’annascunne…
ma vengh’io pe’ mm”o pigliá!

Carmè’, dancíllo!
Nu bellu maretiello
è sempe buono…
si no tu rieste sola,
sola, sola, e llariulá…
‘a veritá, nce vò’ na cumpagnia,
tricche – tricche e llariulá…
tricche – tricche e llariulá…
tricche – tricche e llariulá…
tricche – tricche e llariulá…

Argomenti trattati , ,