Tarantelluccia.it

Nun me scetà

Categoria: Testi canzoni napoletane
Data inserimento: 23 agosto, 2012
Autore: Lo Guarracino

(Ernesto Murolo 1930)

Ernesto Murolo, autore del testo di Nun me scetà

Quanta varche ‘e marenare
ca se vedono stasera…
cu na luce sott”a prora
pare ca ‘e stelle só’ cadute a mare!

Tutt”e ccanzone ‘e Napule
stanotte, ‘o core mio, vurría cantá:
ma addó’ ce stanno lácreme,
addio felicitá!

Cántame, oje marená’, tutt”e ccanzone…
n’ora famme durmí sott’a ‘sta luna!
Famme sunná che ancòra mme vò’ bene…
Famme ‘nzuonno murí…
Nun me scetà !

Comm”o paggio cantatore
ch”a riggina, pe’ na sera,
ll’addurmette ánema e core
e po’ ll’abbandunaje, scetáto, a mare,

tu pure, ‘mmiez’ê nnuvole,
stu core mm”addurmiste ‘mbracci’a te…
e a mare, chino ‘e lácreme,
stanotte ‘o faje cadé…

Cántame, oje marená’, tutt”e ccanzone…
n’ora famme durmí sott’a ‘sta luna!
Famme sunná che ancòra mme vò’ bene…
Famme ‘nzuonno murí…
Nun me scetà !

Voca ohé…
Comm”a femmena è ‘o mare…
comm”o mare è ll’ammore…
Voca ohé…

Per i non napoletani

  • nun me scetà = non mi svegliare
  • varche = barche
  • prora = prua
  • ‘nzuonno = in sogno
  • ll’addurmette = l’addormentò
  • faje cadé= fai cadere

Argomenti trattati ,