Tarantelluccia.it

Lariulá

Categoria: Testi canzoni napoletane
Data inserimento: 17 settembre, 2013
Autore: Lo Guarracino

(Salvatore Di Giacomo 1890)

Salvatore Di  Giacomo, autore del testo di Lariulá

(Duetto)
Lui: – Frutto ‘e granato mio, frutto ‘e granato,
quanto t’aggio stimato a tiempo antico!
Tiénete ‘o muccaturo arricamato,
tutta ‘sta rrobba mia ta benedico…

Lei: – Quanto si’ bello e quanto si’ curtese!
io t’ero indifferente e mo se vede;
tècchete ‘o muccaturo ‘e seta ingrese…
fossero accise ll’uommene e chi ‘e ccrede!

Insieme: – Fossero accise ll’uommene (‘e ffemmene)
e chi ‘e ccrede!…

Ah, lariulá,
lariu – lariu – lariulá…
Ll’ammore s’è addurmuto
nun ‘o pòzzo cchiù scetá…

Ah, lariulá,
lariu – lariu – lariulá…
Ll’ammore s’è addurmuto
nun ‘o pòzzo cchiù scetá…

Lui: – E quanno è chesto, siente che te dico:
Io faccio ‘ammore cu na farenara;
tène nu magazzino ‘int’a nu vico,
ll’uocchie ca tène só’ na cosa rara…

Lei: – E quanno è chesto: Io pure faccio ‘ammore
e a n’atu ninno mo tengo ‘o penziero…
s’erano date a fuoco ánema e core:
mme só’ raccummannata a nu pumpiere…

Insieme: – Mme só’ raccumannata/o a nu pumpiere…

Ah, lariulá,
lariu – lariu – lariulá…
Ll’ammore s’è addurmuto
nun ‘o pòzzo cchiù scetá…

Ah, lariulá,
lariu – lariu – lariulá…
Ll’ammore s’è addurmuto
nun ‘o pòzzo cchiù scetá…

Lui: – Ah, vocca rossa comm’a nu granato!
Chi ‘o ssape ‘o tiempo antico si è fernuto?…
Chello ch’è certo è ch’io stó’ frasturnato,
e ‘o sapore do ppane aggio perduto!

Lei: – Si’ stato sempe bello e ‘ntussecuso,
e pure, siente, vide che te dico,
nun mme ne ‘mporta ca si’ furiuso:
voglio campá cu te, murí cu tico!…

Insieme: – Voglio campá cu te murí cu tico!…

Ah, lariulá,
lariu – lariu – lariulá…
Ll’ammore s’è addurmuto
nun ‘o pòzzo cchiù scetá…

Ah, lariulá,
lariu – lariu – lariulá…
Ll’ammore s’è addurmuto
nun ‘o pòzzo cchiù scetá…

Argomenti trattati , ,

Mimmo GuarinoCiao! Mi chiamo Mimmo Guarino alias “Lo Guarracino” e sono il creatore di questo blog. Mi sono innamorato della canzone napoletana grazie alla voce del grande Roberto Murolo, a mio avviso il più grande interprete di questa nobile forma d’arte.

One Response to “Lariulá”

  1. Pippo scrive:

    Complimenti per l’idea ! Ma a parte Roberto Murolo,non dimenticare l’erede (Mario Maglione) e le altre grandi voci di Napoli , Franco Ricci e Gabriele Vanorio,ii pilastri della voce di Napoli !

Lascia un commento

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>