Tarantelluccia.it

Guapparia

Categoria: Testi canzoni napoletane
Data inserimento: 10 ottobre, 2012
Autore: Lo Guarracino

(Libero Bovio 1914)

Libero Bovio, autore del testo di Guapparia

Scetáteve, guagliune ‘e malavita…
ca è ‘ntussecosa assaje ‘sta serenata:
Io sóngo ‘o ‘nnammurato ‘e Margarita
Ch’è ‘a femmena cchiù bella da ‘Nfrascata!

Ll’aggio purtato ‘o capo cuncertino,
po sfizio ‘e mme fá sèntere ‘e cantá…
Mm’aggio bevuto nu bicchiere ‘e vino
pecché, stanotte, ‘a voglio ‘ntussecá…

Scetáteve guagliune ‘e malavita!…

E’ accumparuta ‘a luna a ll’intrasatto,
pe’ lle dá ‘o sfizio ‘e mme vedé distrutto…
Pe’ chello che ‘sta fémmena mm’ha fatto,
vurría cha luna se vestesse ‘e lutto!…

Quanno se ne venette â parta mia,
ero ‘o cchiù guappo ‘e vascio â Sanitá…
Mo, ch’aggio perzo tutta guapparia,
cacciatemmenne ‘a dinta suggitá!…

Scetáteve guagliune ‘e malavita!…

Sunate, giuvinò’, vuttàte ‘e mmane,
nun v’abbelite, ca stó’ buono ‘e voce!
I’ mme fido ‘e cantá fino a dimane…
e metto ‘ncroce a chi…mm’ha miso ‘ncroce…

Pecché nun va cchiù a tiempo ‘o mandulino?
Pecché ‘a chitarra nun se fa sentí?
Ma comme? chiagne tutto cuncertino,
addó’ ch’avessa chiagnere sul’i’…

Chiágnono sti guagliune ‘e malavita!..

Per i non napoletani

  • guapparia = atteggiamento o azione da guappo
  • scetáteve = svegliatevi
  • guagliune = ragazzi, giovani
  • ntussecosa = triste, malinconica, aspra
  • accumparuta = comparsa
  • ll’intrasatto = all’improvviso
  • Sanitá = popoloso quartiere napoletano
  • ch’aggio = che ho
  • suggitá = società (intesa come malavita)
  • vuttàte ‘e mmane = datevi da fare

Argomenti trattati , ,

Mimmo GuarinoCiao! Mi chiamo Mimmo Guarino alias “Lo Guarracino” e sono il creatore di questo blog. Mi sono innamorato della canzone napoletana grazie alla voce del grande Roberto Murolo, a mio avviso il più grande interprete di questa nobile forma d’arte.

Lascia un commento

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>