Tarantelluccia.it

'E trezze 'e Carulina

Categoria: Testi canzoni napoletane
Data inserimento: 5 luglio, 2012
Autore: Lo Guarracino

(Salvatore Di Giacomo 1895)

Salvatore Di  Giacomo, autore del testo di 'E trezze 'e Carulina

Oje pétteno ca piéttene
‘e trezze ‘e Carulina ,
damme nu sfizio, scíppala
scíppala na matina…

E tu specchio addó’ lùceno
chill’uocchie addó’ cantanno
ride e se ‘mmira, appánnete
quanno se sta ammiranno…

Lenzole addó’ se stènnono
‘e ccarne soje gentile,
‘nfucáteve, pugnítela,
tutto stu mese ‘abbrile…

e vuje teste d’anèpeta,
d’aruta e ‘e resedá,
seccáte ‘ncopp’a ll’ásteco
facíteve truvá…

Ma ‘o pétteno ca péttena
‘e trezze ‘e Carulina ,
è sempe ‘o stesso pétteno
‘e tartaruga fina…

‘o specchio è de Venezia
e nun ha fatto mosse,
‘e llenzulelle smòveno
n’addore ‘e spicaddossa…

E manco nun mme sentono
ll’aruta e ‘a resedá:
cchiù ampresso ‘ncopp’a ll’asteco
abbrile ‘e ffa schiuppá…

E sti scungiure, è inutile,
nn”a pònno cchiù arrevá:
Cchiù ‘nfama e cchiù simpatica,
cchiù bella assaje se fa!…

Argomenti trattati , ,