Tarantelluccia.it

Poesia napoletana: "Comme 'nu Re"

Categoria: Poesie
Data inserimento: 22 novembre, 2011
Autore: Lo Guarracino

Comme ‘nu Re

Oggi nun voglio fa niente,
voglio sulo cammenà,
cu ‘e mmane dinto ‘a sacca
e cu ‘a faccia stesa ‘o sole.

Oggi voglio fa filone a cchesta vita,
voglio correre,
ma che dico correre,
oggi voglio vulà.

Oggi voglio essere libbero,
voglio fa ‘a via cchiù longa,
senza me peroccupà ‘e arrivà tarde,
oggi voglio fa cu ‘a capa mia.

Oggi sta vita m”a voglio magnà mmiezz ‘o ppane,
a muorze,
senza crianze
e senza manco lavarme e mmane.

Oggi voglio fa ‘o scostumato, cu ‘o pietto ‘a fore,
voglio piscià ‘nfaccia ‘e mmura,
voglio sfottere ‘a ggente che passa
perfino ‘o tiempo voglio cuffià.

Oggi ‘nzomma,
me voglio sentere cchiù ‘e nu re,
ma alla fine ‘e sta jiurnata,
voglio murì pe’ te.

(Mimmo Guarino)

Opera registrata alla SIAE

Argomenti trattati