Tarantelluccia.it

Carcioffolá

Categoria: Testi canzoni napoletane
Data inserimento: 2 luglio, 2013
Autore: Lo Guarracino

(Salvatore Di Giacomo 1893)

Salvatore Di  Giacomo, autore del testo di Carcioffolá

I

Oje mamma mamma,
che luna, che luna…
mme vène, mme vène
malincunia!…

Coro: Malincunia!…

E si ‘sta luna
mme porta furtuna,
marítame ampresso,
mammélla mia…

Coro: Mammélla mia!…

E dimme a chi vuó’!…

Coro: Cu ‘o ndanderandí!…

Ca piglio e t”o dóngo…

Coro: Cu ‘o ndanderandá!…

Nun saccio a chi voglio,
cunzígliame, oje má’,
ca troppo mme ‘mbroglio
cu ‘o ndanderandá!…

Nun saccio a chi voglio,
cunzígliame oje má’,
si troppo mme ‘mbroglio
cu ‘o ndanderandá!…

E ndanderandá!…

Coro: E ndanderandá!…

E ndanderandí!
E ndanderandá!
che bona figliola
Carcioffolá

E ndanderandí!
E ndanderandá!
che bona figliola
Carcioffolá

Coro: E ndanderandí!
E ndanderandá!
che bona figliola
Carcioffolá

E ndanderandí!
E ndanderandá!
che bona figliola
Carcioffolá

II

– Oje figlia figlia,
vulisse ‘o pumpiere
ca spárpeta e more
pe’ st’uocchie nire?…

Coro: Pe’ st’uocchie nire!…

E’ stato fatto
sargente ll’autriere…
E’ bello, è figliulo,
s’abbusca ‘e llire…

Coro: S’abbusca ‘e llire!…

Oje mamma, gnernò!

Coro: Cu ‘o ndanderandí!…

truvátene a n’ato…

Coro: Cu ‘o ndanderandá!…

Si voglio ‘o vrasiere
na vota appicciá,
mm”o stuta ‘o pumpiere
cu ‘o ndanderandá!…

Si voglio ‘o vrasiere
na vota appicciá,
mm”o stuta ‘o pumpiere
cu ‘o ndanderandá!…

E ndanderandá!…

Coro: E ndanderandá!…

E ndanderandí!
E ndanderandá!
Che bona figliola
Carcioffolá

E ndanderandí!
E ndanderandá!
Che bona figliola
Carcioffolá

III

-‘O campanaro
ca sta dint”o vico,
mm’ha fatto, mm’ha fatto
na ‘mmasciatella…

Coro: Na ‘mmasciatella!…

Oje ‘gnó’- mm’ha ditto –
sentite a n’amico,
tenite na figlia
ch’è troppo bella…

Coro: Ch’è troppo bella!…

E dimme si ‘o vuó’…

Coro: Cu ‘o ndanderandí!…

Oje ma’ nun ‘o voglio…

Coro: Cu ‘o ndanderandá!…

Se sóse a primm’ora,
va fore a suná…
e piglia e se n’esce
cu ‘o ndanderandá!…

Se sóse a primm’ora,
va fore a suná…
e piglia e se n’esce
cu ‘o ndanderandá!…

E ndanderandá!…

Coro: E ndanderandá!…

E ndanderandí!
E ndanderandá!
Che bona figliola
Carcioffolá

E ndanderandí!
E ndanderandá!
Che bona figliola
Carcioffolá

IV

– Oje mamma mamma,
che luna lucente,
che stelle, che stelle
che stanno ‘ncielo…

Coro: Che stanno ‘ncielo!…

Oje má’ sentite,
teníteme mente…
pigliáteme, ‘e sposa,
na vesta e ‘o velo…

Coro: Na vesta e ‘o velo!…

Seje mise mo só’…

Coro: Cu ‘o ndanderandí!…

ca saccio a nu ninno…

Coro: Cu ‘o ndanderandá!…

Si’ zita? – mm’ha ditto –
só’ zita, nèh má’?!
Embè, datemmillo
cu ‘o ndanderandá!…

Sí zita? – mm’ha ditto –
só’ zita, nèh má’?
Embè, datemmillo
cu ‘o ndanderandá!…

E ndanderandá!…

Coro: E ndanderandá!…

E ndanderandí!
E ndanderandá!
Che bona figliola
Carcioffolá

E ndanderandí!
E ndanderandá!
Che bona figliola
Carcioffolá

E ndanderandí!
E ndanderandá!
Che bona figliola
Carcioffolá!

Coro: Che bona figliola
Carcioffolá!

Argomenti trattati ,

Mimmo GuarinoCiao! Mi chiamo Mimmo Guarino alias “Lo Guarracino” e sono il creatore di questo blog. Mi sono innamorato della canzone napoletana grazie alla voce del grande Roberto Murolo, a mio avviso il più grande interprete di questa nobile forma d’arte.

One Response to “Carcioffolá”

  1. […] e n’ato ppoco stracqua); la canzone si intitola Catarì. E poi c’è la divertente Carcioffolà con la musica di Eduardo di Capua edita nel 1893. Nel 1895 arriva la bellissima ‘E trezze […]

Lascia un commento

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>