Tarantelluccia.it

‘A tazza ‘e cafè

Categoria: Testi canzoni napoletane
Data inserimento: 1 novembre, 2011
Autore: Lo Guarracino

(Giuseppe Capaldo 1918)

Vurría sapé pecché si mme vedite,
facite sempe ‘a faccia amariggiata
Ma vuje, quanto cchiù brutta ve facite,
cchiù bella, a ll’uocchie mieje, v’appresentate
I’ mo nun saccio si ve n’accurgite!

Ma cu sti mode, oje Bríggeta,
tazza ‘e cafè parite:
sotto tenite ‘o zzuccaro,
e ‘ncoppa, amara site

Ma i’ tanto ch’aggi”a vutá,
e tanto ch’aggi”a girá
ca ‘o ddoce ‘e sott”a tazza,
fin’a ‘mmocca mm’ha da arrivá!

Cchiù tiempo passa e cchiù v’arrefreddate,
‘mméce ‘e ve riscaldá “Caffè squisito!”
‘o bbello è ca, si pure ve gelate,
site ‘a delizia d”o cafè granito
Facenno cuncurrenza â limunata

Ma cu sti mode, oje Bríggeta,
tazza ‘e cafè parite:
sotto tenite ‘o zzuccaro,
e ‘ncoppa, amara site

Ma i’ tanto ch’aggi”a vutá,
e tanto ch’aggi”a girá
ca ‘o ddoce ‘e sott”a tazza,
fin’a ‘mmocca mm’ha da arrivá!

Vuje site ‘a mamma d”e rrepassatore?
E i’, bellezza mia, figlio ‘e cartaro!
Si vuje ve divertite a cagná core,
i’ faccio ‘e ccarte pe’ senza denare
Bella pareglia fóssemo a fá ‘ammore!
Ma cu sti mode, oje Bríggeta,

Ma cu sti mode, oje Bríggeta,
tazza ‘e cafè parite:
sotto tenite ‘o zzuccaro,
e ‘ncoppa, amara site

Ma i’ tanto ch’aggi”a vutá,
e tanto ch’aggi”a girá
ca ‘o ddoce ‘e sott”a tazza,
fin’a ‘mmocca mm’ha da arrivá!

Argomenti trattati ,